ཉེ་བའི་ལོ་འགའི་རིང་ལ། དཔལ་མགོན་རྫོང་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མི་རིགས་བྱ་བར་ཤུགས་སྣོན་དང་ལེགས་བསྒྱུར་བྱེད་པའི་མཛུབ་སྟོན་དགོངས་པ་གལ་ཆེན་སློབ་སྦྱོང་ལག་བསྟར་བྱས་ཏེ། “ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས”བརྟན་པོར་འཛུགས་པ་དེ་དུས་རབས་གསར་པའི་ཏང་གི་མི་རིགས་ལས་དོན་དང་མི་རིགས་ས་ཁུལ་གྱི་བྱ་བ་སོ་སོའི་གཙོ་རྐང་དུ་འཛིན་པའི་བླང་བྱ་དམ་འཛིན་བྱས་ནས། བོད་རང་སྐྱོང་ལྗོངས་ཏང་ཨུའི“རྒྱལ་ཡོངས་མི་རིགས་མཐུན་སྒྲིལ་སྔོན་ཐོན་ལྗོངས་འཛུགས་སྐྲུན་ལ་ཤུགས་སྣོན་པ”ཡི་བླང་བྱར་དམ་པོར་དམིགས་ཏེ། བློ་བརྟན་འགྱུར་མེད་ངང་མི་རིགས་མཐུན་སྒྲིལ་སྔོན་ཐོན་དེ་མཐུན་མཛེས་དཔལ་མགོན་འཛུགས་སྐྲུན་དང་། དཔལ་མགོན་ཡུན་རིང་བདེ་འགོད་དང་སྤུས་ཚད་མཐོ་བའི་འཕེལ་རྒྱས་འབྱུང་བའི་ལས་འགན་གཙོ་བོར་བཞག་ནས་འཆར་འགོད་སྐུལ་འདེད་བཏང་ཡོད། དཔལ་མགོན་རྫོང་ཨུ་དང་རྫོང་མི་དམངས་སྲིད་གཞུང་གིས་མི་རིགས་མཐུན་སྒྲིལ་ཡར་ཐོན་གྱི་བྱ་བར་མཐོང་ཆེན་བྱས་ཏེ། འགོ་ཁྲིད་གཙོ་བོས་དངོས་སུ་འཆར་འགོད་དང་དངོས་སུ་སྐུལ་འདེད་བཏང་ནས། “སེའུ་འབྲུའི”སྒྲོག་ཁྲིད་རུ་ཁག་སྒྲིག་འཛུགས་བྱས་ཏེ། རྒྱུན་འཆད་མེད་པར་མི་རིགས་མཐུན་སྒྲིལ་ཡར་ཐོན་སྒྲོག་ཁྲིད་སློབ་གསོ་གཏིང་ཟབ་ངང་སྤེལ་ཡོད།
དཔལ་མགོན་རྫོང་གི“སེའུ་འབྲུའི”སྒྲོག་ཁྲིད་རུ་ཁག་གི་དཔུང་སྐྱོད་མཛད་སྒོ།
གཅིག “ཡོང་ས་མི་དམངས་ཡིན”ཞིང་། “རྩམ་པའི་བཅུད་དང་ལྡན”ལ། “དུས་ཀྱི་བྲོ་བ་མངའ”བའི་སྒྲོག་འབྲེལ་རུ་ཁག
མཐོ་ཚད་ལ་རྒྱ་མཚོའི་ངོས་ལས་སྨིད4700ཡོད་པའི་བྱང་ཐང་དུ། ཁ་ཆར་བུ་ཡུག་རྒྱུན་ཆད་མེད་པར་འཚུབ་བཞིན་ཡོད་ཀྱང་། དཔལ་མགོན་རྫོང་གི“སེའུ་འབྲུའི”སྒྲོག་ཁྲིད་རུ་ཁག་གིས་གྲང་ངར་ལ་འཛེམ་དོག་སྤུ་ཙམ་ཡང་མི་བྱེད་པར་མུ་མཐའ་མེད་པའི་རྩྭ་ཐང་དུ་མི་རིགས་མཐུན་སྒྲིལ་ཡར་ཐོན་དྲིལ་སྒྲོག་སློབ་གསོ་གཏིང་ཟབ་སྒོས་སྤེལ་བཞིན་འདུག ཁོ་ཚོའི་ཟིན་དེབ་སྟེང་དུ། རིགས་སོ་སོའི་མི་དམངས་ཀྱིས་ཀྲུང་གོའི་ཁྱིམ་གཞིས་ཆེན་མོར་འགྲོ་འོང་དང་སྤེལ་རེས། མཉམ་འདྲེས་བྱུང་ཞིང་། ས་ཞིང་མཉམ་འདེབས་དང་ཕྱུགས་ཟོག་མཉམ་འཚོ་བྱེད་པའི་ངོ་མཚར་གྱི་གཏམ་རྒྱུད་ཀྱིས་ཁེངས་འདུག དེ་དག་གི་ཁྲོད་དུ“ཁུང་ཧྥན་སིན་གྱི་སྙིང་སྟོབས”ཡོད་ཅིང་། “སྒྲོལ་དཀར་དང་གཡང་འཛོམས་ལྕམ་སྲིང་གཉིས་ཀྱིས་མཐའ་མཚམས་སྲུང་བ”ཡི་ཡིད་དབང་འགུག་པའི་གཏམ་རྒྱུད་ཡོད་ལ། ལྷག་པར་དུ“ཆི་ཨེ་ཆོན་གྱིས་བྱང་ཐང་དུ་རྐང་བཙུགས་ནས་དམངས་ཀྱི་ཆེད་དུ་ཧུར་བརྩོན་བྱས་པ”དང་། མི་རིགས་མཐུན་སྒྲིལ་བརྗོད་དོན་དུ་བྱས་པའི་གར་སྟེགས་ཟློས་གར་ཆེན་མོ“རྒྱ་བོད་གསེར་ཟམ”དང་། “ཝེ་ཞོ་ཏེ་ཧྥེ་དང་ཡེ་ཤེས་སྒྲོལ་མ་གཉིས་ཀྱི་བདེ་སྐྱིད་ཀྱི་འཚོ་བ”སོགས་མི་རིགས་མཐུན་སྒྲིལ་གྱི་གཏམ་རྒྱུད་མང་པོའི་གཟི་དཔལ་དཔལ་མགོན་དུ་འཚེར་ཡོད། གཏམ་རྒྱུད་འདི་དག་ནི་ སྒྲོག་འགྲེལ་མཁན་གྱི་གོམ་སྒྲ་དང་ལྷན་དུ་འབྲོག་ཁུལ་གྱི་སྦྲ་གུར་དང་། སློབ་གྲྭའི་སློབ་ཁང་། སྡེ་ཁུལ་གྱི་སྲང་ལམ་བཅས་སུ་ཕྱིན་ནས། “སེའུ་འབྲུའི”འབྲུ་རྡོག་རེ་རེ་བཞིན། འཆམ་མཐུན་མཛེས་སྡུག་ལྡན་པའི་དཔལ་མགོན་རྫོང་གི་གྲུ་ཟུར་རེ་རེར་བཏབ་ཡོད།
དཔལ་མགོན་རྫོང་གི“སེའུ་འབྲུའི”སྒྲོག་འགྲེལ་རུ་ཁག་ནི2024ལོའི་ཟླ5བར་དབུ་བརྙེས་པ་རེད། རྫོང་ཨུའི་འཐབ་ཕྱོགས་གཅིག་གྱུར་པུའུ(མི་རིགས་མཐུན་སྒྲིལ་སྔོན་ཐོན་འཛུགས་གཏོད་གཞུང་ལས་ཁང)ཡིས་རྫོང་ཡོངས་ཀྱི་རིགས་སོ་སོའི་མང་ཚོགས་ཀྱི་ཁྲོད་ནས་ཆབ་སྲིད་ཀྱི་ལངས་ཕྱོགས་བརྟན་ཅིང་། ཀུན་སྤྱོད་ཀྱི་བྱང་ཚད་མཐོ་བ། གཞུང་ལུགས་ཀྱི་ཆུ་ཚད་ལེགས་པ། སྒྲོག་འགྲེལ་གྱི་ཉམས་མྱོང་ལྡན་པ་བཅས་ཀྱི་ཁྱད་ཆོས་ལྡན་པའི་རྐང་འཛིན་མི་སྣ་བདམས་ནས། “སེའུ་འབྲུའི”སྒྲོག་འགྲེལ་རུ་ཁག་སྒྲིག་འཛུགས་བྱས། “སེའུ་འབྲུའི”སྒྲོག་འགྲེལ་རུ་ཁག་གི་ཕྱོགས་བསྡུས་བྱང་ཚད་མཐོར་འདེགས་གང་ལེགས་གཏོང་ཆེད། རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་མི་སྒེར་དང་། རང་སྐྱོང་ལྗོངས་ཀྱི་ཕུལ་བྱུང་སྒྲོག་འགྲེལ་མཁན་ཉི་མ་ཚེ་རིང་དང་། བོད་ལྗོངས་མི་རིགས་སློབ་གྲྭ་ཆེན་མོའི་དགེ་རྒན་བཅས་གདན་དྲངས་ནས“སེའུ་འབྲུའི”སྒྲོག་འགྲེལ་རུ་ཁག་ལ་དྲ་ལམ་དང་དྲ་ཕྱི་ཟུང་འབྲེལ་སྒོས་སློབ་ཁྲིད་དང་། ལས་དོན་ཐད་གསོ་སྦྱོང་མི་དམན་པ་བྱས་ནས། སྒྲོག་འགྲེལ་རུ་ཁག་ལ“རྩམ་པའི་བཅུད་དང་ལྡན”ལ། “དུས་ཀྱི་བྲོ་བ་མངའ”བའི་སྒྲོག་འགྲེལ་ཡི་གེ་བྲིས།
དཔལ་མགོན་རྫོང་གི“སེའུ་འབྲུའི”སྒྲོག་ཁྲིད་རུ་ཁག་གིས་རྩྭ་ཐང་དུ་སྒྲོག་འགྲེལ་བྱེད་བཞིན་པ།
གཉིས། “ཁྲིད་སྟེགས་སྟེང་དུ་སྐྱོད”དེ། མི་རིགས་མཐུན་སྒྲིལ་ཡར་ཐོན་གྱི་ཡིད་འོང་མེ་ཏོག་དཔལ་མགོན་རྩྭ་ཐང་སྟེང་དུ་བཞད་པར་བྱས།
སྒྲོག་འགྲེལ་གྱི་གོ་རིམ་ཁྲོད་དུ། “སེའུ་འབྲུའི”སྒྲོག་འགྲེལ་རུ་ཁག་གི་རུ་མི་ཚོ་དུས་བཞིའི་འབྲོག་ར་དང་། སློབ་རའི་ཁྲིད་སྟེགས། སྡེ་ཁུལ་སྲང་ལམ་བཅས་སུ་ཕྱིན་ཏེ། “ཉན་པར་སྤྲོ་བ་དང་། མི་སེམས་འགུག་པ”ཡི་རྣམ་པའི་ཐོག་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་པའི་སློབ་གསོ་མི་སེམས་ལ་ཟུག་པར་བྱས་ཡོད།
རྩྭ་ཐང་གི“གནམ་ཁེབས་མེད་པའི་སྒྲོག་འགྲེལ”ཁྲོད་དུ། “སེའུ་འབྲུའི”སྒྲོག་འགྲེལ་རུ་ཁག་གི་རུ་མི་ཚོ་རྒྱང་ཐག་རིང་བའི་འབྲོག་ཁུལ་དུ་ཕྱིན་ཏེ། གནམ་སྔོན་པོ་མགོ་སྦྲ་བྱས་ཤིང་། ཐང་ཡངས་མོ་གདན་ལ་བཏིང་སྟེ། རྒྱ་ཆེའི་འབྲོག་པ་མང་ཚོགས་དང་ལྷན་དུ་བསྡད་ནས་ཏང་གི་མི་རིགས་སྲིད་ཇུས་གླེང་ཞིང་། རྒྱ་ཆེའི་འབྲོག་པ་མང་ཚོགས་ལ་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་དགོས་ཚུལ་གྱི་ཐད་ནས་གོ་བསྐོན་བློ་འགུག་བྱས་པ་དང་། “ངོས་ལེན་ལྔ”ཇེ་ཟབ་དང་། “གཅིག་མཐུན་བཞི”བརྟན་པོར་བཙུགས་ཏེ། མི་རིགས་མཐུན་སྒྲིལ་ཡར་ཐོན་བྱ་གཞག་གི་སྐུལ་འདེད་མཁན་དང་སྲུང་སྐྱོབ་མཁན་བྱེད་པར་སྐུལ་མ་བཏང་ཡོད།
སློབ་རའི“བྱིས་བློ་མཉམ་འུར”ཁྲོད་དུ། “སེའུ་འབྲུའི”སྒྲོག་འགྲེལ་རུ་ཁག་གི་རུ་མི་ཚོ་ཁྲིད་སྟེགས་སྟེང་དུ་བསྐྱོད་དེ། ང་ཡི་ཀྲུང་ཧྭར་དགའ་ཞེས་པའི་འགུལ་སྐྱོད་དང་ཟུང་འབྲེལ་བྱས་ཏེ། རིགས་སོ་སོའི་བྱིས་པ་རྣམས་ལ་མི་རིགས་མཐུན་སྒྲིལ་ཡར་ཐོན་གྱི་སེམས་འགུལ་ཐེབས་པའི་གཏམ་རྒྱུད་དག་བཤད་ནས། ཁོ་ཚོར་ཡང་དག་པའི་རྒྱལ་ཁབ་ཀྱི་ལྟ་བ་དང་། ལོ་རྒྱུས་ཀྱི་ལྟ་བ། མི་རིགས་ཀྱི་ལྟ་བ། རིག་གནས་ཀྱི་ལྟ་བ། ཆོས་ལུགས་ཀྱི་ལྟ་བ་བཅས་བརྟན་པོར་ཆགས་པར་སློབ་གསོ་བཏང་ནས། མི་རིགས་མཐུན་སྒྲིལ་ཡར་ཐོན་གྱི་ས་བོན་མེས་རྒྱས་ཀྱི་མ་འོངས་པའི་མེ་ཏོག་དག་གི་སེམས་ཀྱི་ཟབ་སར་བཞད་དུ་བཅུག་ཡོད།
དཔལ་མགོན་རྫོང་གི“སེའུ་འབྲུའི”སྒྲོག་ཁྲིད་རུ་ཁག་གི་རུ་མི་སྒྲོག་འགྲེལ་བྱེད་དུ་འགྲོ་བཞིན་པ།
སྡེ་ཁུལ་ཤང་གྲོང་རྡལ་གྱི“བརྗོད་དོན་གཙོ་བོའི་འཆད་ཁྲིད”ཐོག་ཏུ། “སེའུ་འབྲུའི”སྒྲོག་འགྲེལ་རུ་ཁག་གི་རུ་མི་ཚོ་སྡེ་ཁུལ་དང་ཤང་གྲོང་རྡལ་གྱིས་རྩ་འཛུགས་བྱས་པའི་མང་ཚོགས་ཀྱི་ཁྲོད་དུ་ཕྱིན་ཏེ། གོ་སླ་བའི་ཚིག་དང་ཡིད་འཕྲོག་པའི་གཏམ་ལ་བརྟེན་ནས། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཀྱི་ནང་དོན་ཟབ་མོ་དང་དོན་སྙིང་གལ་ཆེན། རིགས་སོ་སོའི་མི་དམངས་ཀྱིས་ཐུན་མོང་ཐོག་འབད་བརྩོན་ལྷོད་མེད་དང་ཐུན་མོང་ཐོག་དར་རྒྱས་འབྱོར་ཕྱུག་ཡོང་བའི་གཏམ་རྒྱུད་དག་མཉམ་སྤྱོད་བྱས་ཏེ། རིགས་སོ་སོའི་མང་ཚོགས་ལ“ཁ་འབྲལ་ཐབས་མེད་པ་གསུམ”གྱི་བསམ་བློ་བརྟན་པོར་ཆགས་པར་སྐུལ་མ་བཏང་ནས། ཐུན་མོང་ཐོག་མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ཡར་ཐོན་གྱི་རྣམ་པ་བཟང་བོར་སྲུང་སྐྱོང་བྱས་ཡོད།
གསུམ། “སེའུ་འབྲུའི”ནུས་སྣང་། ལྟ་བ་གཅིག་མཐུན་ནས་འགུལ་སྐྱོད་གཅིག་མཐུན་གྱི་འཕོ་འགྱུར།
“སེའུ་འབྲུའི”སྒྲོག་འགྲེལ་རུ་ཁག་གི་སྒྲིག་འཛུགས་བྱས་པ་ནས་ད་ལྟའི་བར་དུ། བསྡོམས་པས་སྒྲོག་འགྲེལ་བྱེད་སྒོ་ཐེངས620ལ་སྤེལ་བ་དང་། མང་ཚོགས་མི་ཐེངས་ཁྲི4.2ལ་ཕན་ཐོགས་ཡོད།
འབྲོག་ཁུལ་དུ། དུས་ཆེན་ལ་སླེབས་ཐེངས་རེ་རེར། རིགས་སོ་སོའི་ལས་བྱེད་མང་ཚོགས་དག་གདན་ཐོག་གཅིག་ལ་འཛོམས་ནས། སྙན་པའི་གླུ་དང་མཛེས་པའི་གར་འཁྲབ་བཞིན། དགའ་དགའ་སྤྲོ་སྤྲོའི་ངང་ནས“ང་ཚོའི་དུས་ཆེན”གྱི་མུ་འབྲེལ་བྱེད་སྒོར་རོལ་བ་དང་། སློབ་གྲྭ་རུ། རིགས་སོ་སོའི་སློབ་མ་རྣམས་ཀྱིས“སློབ་སྦྱོང་ཚོ་ཆུང”སྒྲིག་ནས། ཕན་ཚུན་ལ་སྐད་རིགས་ཁྲིད་པ་དང་། ཕན་ཚུན་ལས་གླུ་གར་སྦྱོང་བཞིན་མཆིས། སྡེ་ཁུལ་དུ། རིགས་སོ་སོའི་མང་ཚོགས་རྣམས་སྲང་ལམ་གྱི་མགོ་རྔར་འཛོམས་ནས། རང་མི་རིགས་ཀྱི་ཡུལ་སྲོལ་གོམས་གཤིས་འོས་སྦྱོར་བྱེད་བཞིན། གཅིག་རོགས་གཅིག་གིས་བྱེད་བཞིན་དགའ་སྤྲོའི་དཔལ་ལ་རོལ་བཞིན་ཡོད།
དཔལ་མགོན་གྱི་ག་ས་གང་དུ་མི་རིགས་མཐུན་སྒྲིལ་ཡར་ཐོན་གྱི་ཡིད་སེམས་འགུག་པའི་གཏམ་རྒྱུད་ཀྱིས་ཁེངས་ཡོད་ལ། ག་ས་གང་རུ་མི་རིགས་མཐུན་སྒྲིལ་ཡར་ཐོན་གྱི་སེའུ་འབྲུའི་མེ་ཏོག་སྡུག་གུར་བཞད་ཡོད། དཔེར་ན། ནང་སའི་ཡུལ་སྐོར་བ་དག་གིས་སྒེར་འཁོར་བཏང་ནས་དཔལ་མགོན་བརྒྱུད་པའི་ལམ་བར་དུ་དཀའ་ཁག་ལ་འཕྲད་ན། ས་གནས་ཉེན་རྟོག་པས་མྱུར་དུ་རོགས་སྐྱོབ་བྱས་ནས་ཉེན་ཁ་ལས་སྐྱོབ་བཞིན་ཡོད་པ་དང་། ཡུལ་སྐོར་བ་ཕྱིར་ཕ་ཡུལ་དུ་ལོག་རྗེས། འཕྲེད་དར་དང་བཀའ་དྲིན་ཞུ་བའི་ཡི་གེ་སྐུར་བཞིན་ཡོད་པ་ལྟ་བུ། ཁོ་ཚོའི་འཕྲིན་ཡིག་ཏུ་དཔལ་མགོན་ཉེན་རྟོག་པར་བཅངས་པའི་བླ་མེད་ཀྱི་བཀའ་དྲིན་དང་བརྩེ་བ་ཡོད་ཅིང་། དེ་བས་ཀྱང་མི་རིགས་མཐུན་སྒྲིལ་གྱི་ལག་ལེན་མངོན་ཡོད། འདི་དག་ཚང་མ་དཔལ་དགོན་རྫོང་གིས་མི་རིགས་མཐུན་སྒྲིལ་ཡར་ཐོན་ལག་ལེན་བྱེད་པའི་བསྡུས་གཟུགས་ཤིག་ཡིན་ལ། འདི་ལྟ་བུའི་ཡིད་སེམས་འགུག་པའི་གཏམ་རྒྱུད་ཉི་མ་རེར་དཔལ་མགོན་གྱི་ག་ས་གང་དུ་བྱུང་བཞིན་ཡོད་པས། ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ་བའི་བསམ་པ་དེ་དཔལ་མགོན་གྱི་རིགས་སོ་སོའི་ལས་བྱེད་མང་ཚོགས་ཀྱི་སེམས་སུ་ཐིམ་ཡོད་ཅིང་། ཁོ་ཚོས་རང་གི་བྱ་སྤྱོད་དངོས་ལ་བརྟེན་ནས། ཀྲུང་ཧྭ་མི་རིགས་ཀྱི་ཁྱིམ་གཞིས་ཆེན་མོའི་ཁྲོད་དུ་རིགས་སོ་སོའི་མི་རྣམས་ཀྱིས་སེམས་པ་གཅིག་ཏུ་སྦྲེལ་ཅིང་། གཅིག་ལ་གཅིག་རྟེན་དུ་གནས་པའི་མཛའ་བརྩེ་ཟབ་མོ་ཀུན་ལ་མངོན་ཡོད།
རིགས་སོ་སོའི་མི་རྣམས་ཀྱིས“ང་ཚོའི་དུས་ཆེན”རོལ་བཞིན་པ།
བཞི། “ཐུན་མོང་གི་ཁྱིམ་གཞིས།” མི་རིགས་མཐུན་སྒྲིལ་ཡར་ཐོན་གྱི་དུས་རབས་ཀྱི་ལེའུ་གསར་པ་ལེགས་པར་རྩོམ།
ས་གཞིར་སྨག་རུམ་གྱོན་དུས། དཔལ་མགོན་རྫོང་མི་རིགས་མཐུན་སྒྲིལ་ཐང་ཆེན་དུ་མེ་ཕུང་སྒྲོན་བྱུང་། རིགས་སོ་སོའི་ལས་བྱེད་མང་ཚོགས་ཚོས་ལུས་ལ་གཟབ་གོས་སྤྲས་ཤིང་། གདོང་ལ་འཛུམ་མདངས་འཕྱུར་བཞིན། ལྡེམ་པའི་སྐོར་བྲོ་འཁྲབ་དུས། སྙན་འཇེབས་ཀྱི་གླུ་སྐད་བྲག་ཅར་མཆེད་ནས་དཔལ་མགོན་གྱི་གནམ་ས་ཡོངས་སུ་ཁྱབ་བྱུང་།
“སེའུ་འབྲུའི”སྒྲོག་འགྲེལ་རུ་ཁག་གི་རུ་མི་ཚོས“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་བཙུགས་ནས། རིགས་སོ་སོའི་མི་རིགས་ཀྱི་འགྲོ་འོང་དང་སྤེལ་རེས་དང་མཉམ་འདྲེས་ལ་སྐུལ་འདེད་གཏོང་དགོས”ཞེས་པའི་ཞྭ་མོ་དམར་པོ་གྱོན་ཞིང་རྒྱབ་ཁུག་ནག་པོ་ཁུར་ནས་འགྲོ་བས། རབ་རིབ་ཀྱི་མི་ཚོགས་ཁྲོད་དུ་མིག་ལ་ལྷག་པར་གསལ་བ་ཞིག་ཡིན། “སྒྲོག་འགྲེལ”ནས“ལག་ལེན”དང་། “མཉམ་འདུན”ནས“མཉམ་འགུལ”བར་དུ། ཁོ་ཚོས་རང་གི་བྱ་སྤྱོད་དངོས་ལ་བརྟེན་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་བཞིན། རིགས་སོ་སོའི་མི་རིགས་ཀྱི་འགྲོ་འོང་དང་སྤེལ་རེས་དང་མཉམ་འདྲེས་ལ་སྐུལ་འདེད་བཏང་སྟེ། དཔལ་མགོན་རྫོང་གི་མི་རིགས་མཐུན་སྒྲིལ་ཡར་ཐོན་གྱི་བྱ་གཞག་སྤུས་ཚད་མཐོན་པོའི་སྒོ་ནས་འཕེལ་རྒྱས་གཏོང་བར་སྟོབས་ཤུགས་གསར་པ་སྣོན་བཞིན། “སེའུ་འབྲུའི་མེ་ཏོག་བཞད·མཐུན་མཛེས་དཔལ་མགོན་མཛེས”ཞེས་པའི་མི་རིགས་མཐུན་སྒྲིལ་ཡར་ཐོན་བྱ་གཞག་གི་ལེའུ་གསར་པ་མཉམ་དུ་འབྲི་བཞིན་ཡོད།
