རྒྱལ་ཡོངས་མི་དམངས་འཐུས་ཚོགས་ཀྱི་འཐུས་མི་དང་བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་གི་ཞིབ་འཇུག་པ་པད་མ་མཚོ་ཡིས། རྒྱལ་ཁབ་ཀྱིས“རྒན་གཅིག་གཞོན་གཅིག”གི་ལས་གྲྭ་མུ་མཐུད་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས།
ཉེ་བའི་ལོ་ཤས་ཀྱི་རིང་ལ། བོད་ལྗོངས་ཀྱིས་རྨང་གཞིའི་སྒྲིག་བཀོད་འཛུགས་སྐྲུན་དང་། སྨན་བཅོས་དང་གསོ་སྐྱོང་ཟུང་འབྲེལ་བྱེད་སྟངས་གསར་གཏོད། ཁྱིམ་སྡོད་རྒན་གསོའི་ཞབས་ཞུ་རྒྱ་སྐྱེད། བཅོས་སྐྱོང་སློབ་གསོའི་རྨང་གཞི་གདིང་བ། བཅོས་སྐྱོང་ལས་ཁུངས་སྣ་མང་ཅན་འཕེལ་རྒྱས། བཅོས་སྐྱོང་ཞབས་ཞུའི་ཤེས་ལྡན་པ་གསོ་སྐྱོང་སོགས་ཀྱི་ཐད་ནས“རྒན་གཅིག་གཞོན་གཅིག”གི་ལས་གྲྭ་ལག་བསྟར་ལ་སྐུལ་འདེད་ཏན་ཏིག་བཏང་ནས་དགེ་མཚན་ལྡན་པའི་གྲུབ་འབྲས་བླངས་ཡོད། བརྒྱུད་རིམ་དེའི་ཁྲོད་དུ་བོད་ལྗོངས་ཀྱི་རྒྱ་ཆེའི་མང་ཚོགས་ཀྱིས་ཏང་དང་རྒྱལ་ཁབ་ཀྱི་ཐུགས་ཁུར་དང་དྲོ་སྐྱིད་ཟབ་མོ་ཚོར་ཐུབ་པ་བྱུང་ཞིང་། ཐུགས་ཁུར་དེ་རིགས་ཀྱིས་ཏང་དང་རྒྱལ་ཁབ་ལ་བཅངས་པའི་མི་རིགས་ཁག་གི་མང་ཚོགས་ཀྱི་བརྩེ་དུང་ཟབ་མོ་མཚོན་ཡོད། ཀྲུང་དབྱང་གི་སྲིད་ཇུས་ཀྱི་རྩེ་རིམ་ཇུས་འགོད་ནས་བོད་རང་སྐྱོང་ལྗོངས་ཀྱིས་དོན་འཁྱོལ་ཧུར་ཐག་བྱེད་པའི་བར་གྱི་ལྷུ་ཚིགས་ཚང་མར་ཀྲུང་གོའི་གུང་ཁྲན་ཏང་གིས་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་མཚོན་ཡོད་ལ། དེ་ནི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་དུ་གཏོང་བ་དང་། དུས་རབས་གསར་པའི་ཏང་གི་མི་རིགས་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ལག་ལེན་ཞིབ་ཕྲ་ཞིག་ཀྱང་ཡིན་ཞེས་བཤད་ཆོག རྒྱལ་ཁབ་ཀྱིས“རྒན་གཅིག་གཞོན་གཅིག”གི་ལས་གྲྭར་མུ་མཐུད་སྐུལ་འདེད་བཏང་ནས། དམངས་འཚོ་བདེ་སྐྱིད་ལ་བརྟེན་ནས་མི་སེམས་གཅིག་སྒྲིལ་ཡོང་བར་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས།
