ཀྲུང་གོའི་བོད་ལྗོངས་དྲ་བའི་འཕྲིན། ཟླ8པའི་ཚེས16ཉིན། བོད་ལྗོངས་ལྷ་གཞིས་ལྕགས་ལམ（ལྷ་ས་ནས་གཞིས་རྩེ་བར）རླངས་འཁོར་ཤར་གཏོང་ཐུབ་ནས་ལོ་བཅུ་འཁོར་བ་རེད། ལྷ་ས་དང་གཞིས་རྩེ་དབར་སྦྲེལ་མཐུད་བྱེད་པའི་ས་མཐོའི་གྲོང་ཁྱེར་དབར་གྱི་ལྕགས་ལམ་ཞིག་ཡིན་པའི་ངོས་ནས། ལོ་བཅུའི་རིང་ལྷ་ས་དང་གཞིས་རྩེའི་དབར་གྱི་ལྕགས་ལམ་ཐོག་འགྲུལ་པ་མི་ཐེངས་ཁྲི1429དང་དངོས་ཟོག་ཏུན་ཁྲི524དབོར་ཡོད། ལྷ་ས་ལྕགས་ལམ་གྱི་སྤྱིའི་རིང་ཚད་ལ་སྤྱི་ལེ251ཡོད་པ་དང་ལྷ་ས་ལྕགས་ལམ་སྤྱི་བདེ་ཁྲུའུ་ཡི་མི་དམངས་ཉེན་རྟོག་པས། ཐོག་མཐའ་བར་གསུམ་དུ་ལྷ་སའི་ལྕགས་ལམ་གྱི་བདེ་འཇགས་དང་འཁོར་སྐྱོད་སྲུང་སྐྱོང་དང་འགྲུལ་པ་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་སྲུང་སྐྱོང་བྱེད་ཀྱི་ཡོད།
ཟླ8པའི་ཚེས16ཉིན། ལྷ་ས་ནས་གཞིས་རྩེར་སྐྱོད་པའི་མེ་འཁོརC885ཡི་ཐོག“སྐལ་བཟང་མེ་ཏོག”བུད་མེད་རླངས་འཁོར་ཉེན་རྟོག་ཚོགས་ཆུང་གི་རླངས་འཁོར་ཉེན་རྟོག་དཔོན་ཡིད་བརྟན་མཚོ་དང་གཞིས་རྩེའི་འགྲུལ་པ་སྒྲོལ་དཀར་གཉིས་མཛའ་བརྩེའི་ངང་ཕན་ཚུན་སྤེལ་རེས་བྱས་ཤིང་། ལྷ་གཞིས་ལྕགས་ལམ་ཤར་གཏོང་ཐུབ་ནས་ལོ10འཁོར་བར་མཉམ་དུ་རྟེན་འབྲེལ་ཞུས་པ་རེད།
ལྷ་སའི་ནུབ་ཚུགས་ཀྱི་ཟོག་འདྲེན་མངགས་གཏོང་ཁང་གིས་བོད་ལྗོངས་ཀྱི་ཟོག་འདྲེན་མེ་འཁོར་སྒྲིག་འཛུགས་ས་ཚིགས་ཆེ་ཤོས་སྲུང་སྐྱོང་བྱེད་པ་དང་གཞིས་རྩེ་གྲོང་ཁྱེར་དུ་སྐྱོད་པའི་དངོས་ཟོག་ཀྱང་དེ་ནས་བརྒྱུད་གཏོང་བྱེད་ཀྱི་ཡོད་པ་རེད། ལོ་བཅུའི་རིང་ལྷ་གཞིས་ལྕགས་ལམ་ཐོག་དངོས་ཟོག་ཏུན་ཁྲི524ལྷག་ཙམ་དབོར་ཡོད། མངགས་གཏོང་ཁང་གི་སློབ་ཁྲིད་པ་ཧྥེང་ཧྲི་ཐེང་གིས(གཡོན་གྱི་གཉིས་པ)མི་དམངས་ཉེན་རྟོག་པ་དང་མཉམ་དུ་བདེ་འཇགས་དང་སྒྲིག་སྲོལ་དང་མཐུན་པའི་ངང་སྒྲིག་ཆས་བཀོལ་སྤྱོད་ལ་དྲན་སྐུལ་བྱེད་བཞིན་པ།
ཟླ8པའི་ཚེས16ཉིན། ལྷ་སའི་མེ་འཁོར་ས་ཚིགས་ཀྱི་རླངས་འཁོར་སྒུག་སྡོད་ཁང་དུ། ལྷ་སའི་མེ་འཁོར་ས་ཚིགས་མངགས་གཏོང་ཁང་གི་འཛིན་གྲྭའི་སྣེ་ཁྲིད་ཉེན་རྟོག་པ་ཉི་མ་བཀྲ་ཤིས(གཡོན་དང་པོ)ཀྱིས་ལས་རོགས་དང་མཉམ་དུ་ཡུལ་སྐོར་བར་གློག་འཕྲིན་ཁ་བསླུས་ལ་ངོ་རྒོལ་བྱེད་པའི་རྒྱུན་ཤེས་ཁྱབ་གདལ་གཏོང་བ།
གཞིས་རྩེའི་ནུབ་ཚུགས་ཀྱི་ཟོག་འདྲེན་ཁང་ཤར་གཏོང་ཐུབ་ནས་ལོ10འཁོར་བའི་རིང་། རིམ་རྩིས་བྱས་ན་དངོས་ཟོག་ཏུན་ཁྲི14.9བསྐུར་ཟིན་པས2015ལོ་ལས་དུས་མཚུངས66.8%འཕར་ཡོད་པ་རེད། འདི་ནི་གཞིས་རྩེའི་མེ་འཁོར་ས་ཚིགས་མངགས་གཏོང་ཁང་གི་མི་དམངས་ཉེན་རྟོག་པས་དངོས་ཟོག་འདོན་འཇུག་གི་ལས་ཀའི་གནས་ཚུལ་ལ་ཞིབ་བཤེར་བྱེད་བཞིན་པ།
རྩོམ་སྒྲིག་པ། སྣང་རྡོར།
