ཀྲུང་གོའི་བོད་ལྗོངས་དྲ་བའི་འཕྲིན། ཉེ་ཆར། བོད་རང་སྐྱོང་ལྗོངས་ནག་ཆུ་གྲོང་ཁྱེར་ལྷ་རི་རྫོང་རྫ་འབི་ཞང་གི“གྲོང་གསེབ་དར་རྒྱས། ནག་ཆུ་མདུན་སྐྱོད”ཀྱི་གྲུབ་འབྲས་འགྲེམས་སྟོན་སྐབས་གསུམ་པ་དང“དབང་ཕྱུག་ཞང་འཕེལ”ཞེས་པའི་མངོན་མེད་རིག་གནས་ཤུལ་བཞག་གི་འགྲེམས་སྟོན་བྱེད་སྒོ་རྫ་འབི་ཞང་ལུང་ཁྲི་གཞུང་གྲོང་ཚོ(རྟ་རྒྱུག་ར་བ)འཚོགས་པ་དང་། རྫོང་དང་ཞང་གི་འབྲེལ་ཡོད་འགོ་ཁྲིད་དང་། ས་གནས་དེ་གའི་མང་ཚོགས། ཡུལ་སྐོར་བ་སོགས་མི3600ལྷག་ཙམ་མངོན་མེད་རིག་གནས་ཤུལ་བཞག་འགྲེམས་སྟོན་བྱེད་སྒོར་ཞུགས་ཡོད།
བྱེད་སྒོའི་ཡུལ་དངོས། སྙན་འཇེབས་ལྡན་པའི་གླུ་སྒྲའི་ཁྲོད་བྱེད་སྒོ་སྤེལ་འགོ་ཚུགས་པ་དང་ཞབས་བྲོ་དང་གླུ་གཞས27རེས་མོས་ཀྱིས་འཁྲབ་སྟོན་དང་འཁྲབ་སྟོན་པ་ཚོའི་ཞབས་བྲོ་མཛེས་ཤིང་གླུ་སྒྲ་སྙན་པ། ལྟད་མོ་བ་ཚོའི་སྤྲོ་སེམས་རབ་ཏུ་འཕེལ་བ་དང་དགའ་སྤྲོ་ལྷག་ཏུ་འཁོལ་ཡོད། བྱེད་སྒོར་ད་དུང་རྟ་རྩལ་དང་། ཐག་འཐེན། རྡོ་འགྱོགས་སོགས་མི་རིགས་ཀྱི་དམངས་ཁྲོད་ལུས་རྩལ་འགྲན་བསྡུར་དང་། དམིགས་བསལ་ཁྱད་ཆོས་ལྡན་པའི་དམངས་སྲོལ་རིག་གནས་འགྲེམས་སྟོན་དང་ངོ་མཚར་ཆེ་བའི་རིག་རྩལ་འཁྲབ་སྟོན་ལས་ཡུལ་དངོས་ཀྱི་གཟིགས་མོ་བ་ཡོངས་ལ་རྩྭ་ཐང་གི་རིག་གནས་འདུ་ཚོགས་གཟབ་རྒྱས་ཤིག་བཤམས་ཡོད།
བྱེད་སྒོའི་ཡུལ་དངོས།
བྱེད་སྒོའི་ཡུལ་དངོས།རྩོམ་སྒྲིག་པ། སྣང་རྡོར།
