ཉེ་ཆར། ལྷ་སའི་མི་2ཀྱིས་བོགས་མར་བླངས་པའི་རླངས་འཁོར་ཞིག་སྒོར་ཁྲི་8.8བྱས་ནས་ཕྱོགས་གསུམ་པར་བཙོངས་པས་མི་དམངས་ཉེན་རྟོག་པས་བཟུང་བ་རེད།
ཟླ་7ཚེས་8ཉིན། ཅིན་ཆེ་གེ་མོ་དང་ཆན་ཆེ་གེ་མོས་མཁྱེན་ལྡན་མ་ཧོང་ལགས་ཀྱིས་གཉེར་སྐྱོང་བྱེད་པའི་རླངས་འཁོར་བོགས་གཏོང་ཀུང་སི་ནས་པིན་ཐེན་རྟགས་ཅན་གྱི་རླངས་འཁོར་ཞིག་བོགས་མར་བླངས་ཤིང་། ཉིན་དེའི་ཕྱི་དྲོར། མཁྱེན་ལྡན་མ་ཧོང་ལགས་ཀྱིས་གནས་ཐིག་གཏན་འཁེལ་བརྒྱུད་རླངས་འཁོར་དེ་ལྷ་ས་གྲོང་ཁྱེར་དཔལ་འབྱོར་གསར་སྤེལ་ཁུལ་གྱི་རླངས་འཁོར་ཉམས་བཟོ་ཁང་ཞིག་ཏུ་ཡོད་པ་ཤེས་འཕྲལ་མྱུར་དུ་དེ་གར་འབྲེལ་ཡོད་གནས་ཚུལ་ཤེས་རྟོགས་བྱེད་པར་བསྐྱོད།
ཤེས་རྟོགས་བྱས་པ་བརྒྱུད། མཁྱེན་ལྡན་མ་ཧོང་ལགས་ཀྱིས་ཅིན་ཆེ་གེ་མོ་དང་ཆན་ཆེ་གེ་མོས་བོགས་མར་བླངས་པའི་རླངས་འཁོར་དེ་སྒོར་ཁྲི་8.8བྱས་ནས་ཕྱོགས་གསུམ་པར་བཙོངས་པ་ཤེས། དེ་ནས་མཁྱེན་ལྡན་མ་ཧོང་ལགས་མགྱོགས་མྱུར་ལྷ་ས་གྲོང་ཁྱེར་སྤྱི་བདེ་ཅུས་དཔལ་འབྱོར་ཉེས་གསོག་མྱུལ་ཞིབ་ཉིང་ལག་རུ་ཁག་ལ་བསྐྱོད་དེ་ཉེས་དོན་སྙན་སེང་ཞུས་པ་དང་། དེ་རྗེས་དཔལ་འབྱོར་ཉེས་གསོག་མྱུལ་ཞིབ་ཉིང་ལག་རུ་ཁག་གི་མི་དམངས་ཉེན་རྟོག་པས་འཕྲལ་དུ་དཔལ་འབྱོར་གསར་སྤེལ་ཁུལ་སྤྱི་བདེ་ཡན་ལག་ཅུས་དང་མཉམ་དུ་འབྲེལ་ཡོད་བརྟག་དཔྱད་དཔང་ལེན་ལས་དོན་སྤེལ་བ་རེད།
མི་དམངས་ཉེན་རྟོག་པས་ཉེས་གསོག་དོགས་ཅན་ཅིན་ཆེ་གེ་མོ་དང་ཆན་ཆེ་གེ་མོ་ཞིང་ཆེན་གཞན་དུ་བྲོས་བྱོལ་དུ་ཕྱིན་པ་ཤེས། ཟླ་7ཚེས་16ཉིན་ཉེས་གསོག་དོགས་ཅན་ཅིན་ཆེ་གེ་མོ་ལྷ་ས་གོང་དཀར་གནམ་ཐང་དུ་འབྱོར་སྐབས་མི་དམངས་ཉེན་རྟོག་པས་བཟུང་བ་དང་། ཟླ་7ཚེས་24ཉིན། ཁྲེང་ཏུའུ་ཉེན་རྟོག་ཕྱོགས་ཀྱི་རོགས་རམ་ཤུགས་ཆེན་འོག ཉེས་གསོག་དོགས་ཅན་ཆན་ཆེ་གེ་མོ་ཡང་བཟུང་བ་རེད།
མིག་སྔར། ཁྲེང་ཀོན་ཆུས་མི་དམངས་ཞིབ་དཔྱོད་ཁང་གིས་ཁྲིམས་ལྟར་ཉེས་གསོག་དོགས་ཅན་ཅིན་ཆེ་གེ་མོ་དང་ཆན་ཆེ་གེ་མོ་འཛིན་རྒྱུའི་ཆོག་མཆན་སྤྲད་དེ་གྱོད་གཞི་དེར་སྔར་བས་མྱུལ་ཞིབ་བྱེད་བཞིན་ཡོད།
རྩོམ་སྒྲིག་པ། མང་ག་མཚོ།
