དེ་སྔོན་སྤེལ་བའི་གནས་ཚུལ་བརྡ་ཁྱབ།
སྨྱན་སྦྱོར་ཐོག་གནས་ཚུལ་སྤེལ་བར་གཞིགས་ན། ཟླ2པའི་ཚེས3ཉིན། ཧེ་ལུང་ཅང་ཧ་ཨེར་་པིན་གྱི་དྲ་གྲོགས་ཤིག་གིས་ཧུའུ་ལན་ཆུས་ཁང་ལེ་ཁྱིམ་གཞིས་ཀྱི་རྒན་རྒོན་རྣམ་པའི་ལས་ཤག་ཏུ་རིམས་འགོག་དང་བླངས་པ་ཞིག་མི་གཞན་གྱིས་གྲི་བཙུགས་ནས་རྨས་རྗེས་རྐྱེན་ལམ་དུ་ཤོར་བ་དང་། ཡུལ་དངོས་སུ་སྐྱེས་པ་ཞིག་ཁྲག་གི་ནང་དུ་འགྱེལ་འདུག་ཅེས་ཟེར།
ཀྲང་ལགས་ཀྱི་ཁྱིམ་མིས་ཀྲང་ལགས་ད་ལོ་ལོ42ཡིན་པ་དང་། ཧེ་ཨེར་པིན་དུ་རིམས་ནད་ཐོན་རྗེས་རང་འགུལ་ངང་དང་བླངས་པ་བྱས་ནས། ཁང་ལེ་ཁྱིམ་གཞིས་སྒོ་འགྲམ་དུ་ལས་རེས་བྱས་པ་རེད་ཅེས་བཤད་པ་དང་། ཚེས3ཉིན་གྱི་ཉིན་གུང་དུ། སྡེ་ཁུལ་དེའི་སྐྱེས་པ་ཁྲེན་ཆེ་གེ་མོ་མར་བབས་ནས་གད་སྙིགས་འདོར་བ་དང་། སྡེ་ཁུལ་ལ་སྐོར་བ་ཞིག་རྒྱག་དགོས་སྙམ་མོད། འོན་ཀྱང་ཀྲང་ཆེ་གེ་མོས་བཀག་པ་རེད། “ང་ཚོས་ཀྱང་ཁོང་གིས་གྲི་བཟུང་ནས་ཡོང་བ་ཡིན་ནམ་ཡང་ན་ཕྱིར་སོང་ནས་གྲི་བླངས་ཏེ་ཡོང་བ་གང་ཡིན་གསལ་བོ་མི་ཤེས། གྲི་ཧ་ཅང་རིང་པོ་ཞིག་འདུག”ཅེས་ཟེར།
མིག་སྔར། དོག་ཡོད་ཉེས་ཅན་ཁྲེན་ཆེ་གེ་མོ་སྤྱི་བདེ་ལས་ཁུངས་ཀྱིས་བཀག་ཉར་བྱས་པ་དང་། གྱོད་གཞི་དེ་མུ་མཐུད་རྩད་ཞིབ་བྱེད་བཞིན་ཡོད།
རྩོམ་སྒྲིག་པ། བདེ་སྒྲོལ།
