ཉེ་ཆར། ལྷོ་ཁ་གྲོང་ཁྱེར་ཟངས་རི་རྫོང་སྤྱི་བདེ་ཅུས་ཉེས་དོན་མྱུལ་ཞིབ་ཉིང་ལག་རུ་ཆེན་ལ་ཉེན་བརྡའི་ཁ་པར་ཞིག་འབྱོར་བ་སྟེ། གནོད་འཚེ་ཕོག་མཁན་སྒྲོལ་ཆེ་གེ་མོས་དྲ་རྒྱ་ནས་ལས་ཀ་འཚོལ་སྐབས་སྒོར་350ཁ་བསླུས་ཐེབས་པ་དང་། དེའི་རྐྱེན་གྱིས་རིམ་བཞིན་ཁ་བསླུས་རྒྱག་མཁན་གྱིས་བཤམས་པའི་གཡོ་ཇུས་འོག་ཚུད་དེ། སྔ་རྗེས་སུ་རྟགས་བཤེར་དངུལ་སྤྲོད་དང་དངུལ་བསྒྱུར་བ་སོགས་ཀྱི་རྣམ་པའི་ཐོག་ནས་དངུལ་སྒོར་63114བསྐུར་བ་རེད།
ཉེན་བརྡའི་ཁ་པར་འབྱོར་རྗེས་ཟངས་རི་རྫོང་སྤྱི་བདེ་ཅུས་ཀྱིས་འཕྲལ་མར་ཆེད་དམིགས་གྱོད་དོན་ཚོགས་ཆུང་བཙུགས་ནས་མྱུལ་ཞིབ་ལས་དོན་སྤེལ་བ་རེད། ལྷོ་ཁ་གྲོང་ཁྱེར་སྤྱི་བདེ་ཅུས་ཀྱི་འབྲེལ་ཡོད་སྡེ་ཚན་གྱི་ཤུགས་ཆེའི་གཞོགས་འདེགས་འོག་མྱུལ་ཞིབ་མི་དམངས་ཉེན་རྟོག་པས་འཕྲལ་མར་གྱོད་འབྲེལ་མ་དངུལ་བཀག་པ་མ་ཟད་མ་དངུལ་ཁག་གཅིག་བསྡམས་པ་རེད།
དེ་དང་སྦྲགས་ཟླ་9ཚེས་1ཉིན་ཆེད་དམིགས་གྱོད་དོན་ཚོགས་ཆུང་གི་མི་དམངས་ཉེན་རྟོག་པས་ཨན་ཧུའེ་དང་། ལེའོ་ཉིང་། ཧོ་པེ། ཁྲེང་ཏུའུ་སོགས་སུ་བསྐྱོད་དེ་ཡུལ་དེའི་སྤྱི་བདེའི་གཞོགས་འདེགས་འོག་གྱོད་འབྲེལ་མི་སྣ་15བཙལ་བ་དང་མ་དངུལ་སྒོར་ཁྲི་6ཚུར་བླངས་ཏེ། གནོད་འཚེ་ཕོག་མི་སྒྲོལ་ཆེ་གེ་མོར་སྤྲད་པ་རེད།
རྩོམ་སྒྲིག་པ། བདེ་སྒྲོལ།
