ཉེ་ཆར། གསར་འགོད་པར་ལྷ་ས་གྲོང་ཁྱེར་མི་སྤྱི་ཅུས་ནས་ཤེས་རྟོགས་བྱུང་བར། ངལ་རྩོལ་བའི་ཁྲིམས་མཐུན་ཁེ་དབང་ཁྲིམས་ལྟར་སྲུང་སྐྱོང་དང་། གླ་ཆ་འགྱངས་ཆད་སོགས་ཁྲིམས་འགལ་ཉེས་གསོག་བྱེད་སྤྱོད་ལ་ཆད་གཅོད་བསླབ་འདོམས་བྱེད་ཤུགས་ཆེ་རུ་གཏོང་བ། གླ་ཆ་འགྱངས་ཆད་དང་སྤྲོད་པའི་འགན་ལེན་གྱི་ལས་དོན་ཡག་པོ་སྒྲུབ་པ། ཞིང་པ་ལས་མིའི་གླ་ཆ་འགྱངས་ཆད་ཀྱི“མིང་ཐོ་ནག་པོའི”དོ་དམ་ལས་དོན་ཚད་ལྡན་དུ་གཏོང་བ། ཁྲིམས་ལས་འགལ་ནས་གླ་ཆ་འགྱངས་ཆད་བྱས་ཏེ་ཁ་དན་ཚིག་ལ་མི་གནས་མཁན་གྱི་མི་སྤྱོད་ཚན་པར་ཆད་གཅོད་བསླབ་འདོམས་བྱེད་ཤུགས་ཆེ་རུ་གཏོང་བ། ངལ་རྩོལ་བའི་ཁྲིམས་མཐུན་ཁེ་དབང་སྲུང་སྐྱོང་བཅས་བྱ་ཆེད། ཅུས་དེས་གླ་ཆ་འགྱངས་ཆད་བྱེད་མཁན་ཁེ་ལས་ཁག་གཅིག་ཡོངས་བསྒྲགས་བྱས་འདུག
དེ་ཐེངས་ཞིང་པ་ལས་མིའི་གླ་ཆ་འགྱངས་ཆད་ཀྱི“མིང་ཐོ་ནག་པོར”བཅུག་པའི་ཁེ་ལས་གསུམ་ནི། བོད་ལྗོངས་ཅ་དབྱི་ཁྲེང་ཨར་ལས་ངལ་ནུས་ཚད་ཡོད་ཀུང་སི་དང་། བོད་ལྗོངས་ཐེན་ཧྲེང་ཅ་ཧོ་མཛེས་འཆོས་ལས་གྲྭ་ཇུས་འགོད་ཚད་ཡོད་ཀུང་སི། བོད་ལྗོངས་ཡོན་ཀྲེང་ཐུམ་སྒྲིལ་ཚད་ཡོད་ཀུང་སི་བཅས་རེད་འདུག
