དཀར་མཛེས་ཁུལ་གྱི་ལས་བྱེད་པ་གཉིས་ལ་ཞིབ་བཤེར་བྱེད་བཞིན་འདུག_གྱོད་ལྟར་ཁྲིམས་གླེང་།_ཁྲིམས་ལུགས།

ཟླ་4བའི་ཚེས་27ཉིན། དཀར་མཛེས་ཁུལ་སྒྲིག་ཨུད་ལྟ་ཞིབ་ཨུ་ལྷན་གྱིས་སྤེལ་བའི་གནས་ཚུལ་ལྟར་ན། རོང་བྲག་རྫོང་ཞིང་འབྲོག་ཚན་རྩལ་ཅུས་ཀྱི་མཐོ་རིམ་ཕྱུགས་ལས་མཁས་ཅན་ཞའོ་ཝུན་ཕིན་（肖文平）དང་། རོང་བྲག་རྫོང་ཞིང་འབྲོག་གྲོང་གསེབ་དང་ཚན་རྩལ་ཅུས་ཀྱི་ཕྱུགས་ལས་མཁས་ཅན་ཝང་ཡན་ཅུན་（王燕军）གཉིས་ལ་སྒྲིག་འགལ་ཁྲིམས་འགལ་ཚབས་ཆེན་བྱས་པའི་དོགས་གཞི་ཡོད་པར་བརྟེན། མིག་སྔར་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་བྱེད་བཞིན་ཡོད།

          ཞའོ་ཝུན་ཕིན་གྱི་ལོ་རྒྱུས་མདོར་བསྡུས།
          ཞའོ་ཝུན་ཕིང་། སྐྱེས་པ། བོད་རིགས། 1968ལོའི་ཟླ་དང་པོར་སྐྱེས། སི་ཁྲོན་རོང་བྲག་རྫོང་ནས་ཡིན། ཆེད་སྦྱོང་སློབ་ཆེན་གྱི་སློབ་གཉེར་བརྒྱུད་རིམ་ལྡན། 1990ལོའི་ཟླ་7པར་ལས་ཀར་ཞུགས།
          1990ལོའི་ཟླ་7པ་ནས་1991ལོའི་ཟླ་8པའི་བར། རོང་བྲག་རྫོང་སྟོང་དགུ་ཤང་མི་དམངས་སྲིད་གཞུང་དུ་ལས་ཀ་བསྒྲུབས།
          1991ལོའི་ཟླ་8པ་ནས་1994ལོའི་ཟླ་5པའི་བར། རོང་བྲག་རྫོང་ཞིང་འབྲོག་ཅུས་སུ་ལས་ཀ་བསྒྲུབས།
          1994ལོའི་ཟླ་5པ་ནས་1995ལོའི་ཟླ་2པའི་བར། རོང་བྲག་རྫོང་དགེ་ཤིས་མི་དམངས་སྲིད་གཞུང་དུ་ལས་ཀ་བསྒྲུབས།
          1995ལོའི་ཟླ་2པ་ནས་1998ལོའི་ཟླ་10པའི་བར། རོང་བྲག་རྫོང་ཐའེ་ཕིན་ཆའོ་ཞང་མི་དམངས་སྲིད་གཞུང་དུ་ལས་ཀ་བསྒྲུབས།
          1998ལོའི་ཟླ་10པ་ནས་2018ལོའི་ཟླ་10པའི་བར། རོང་བྲག་རྫོང་ཞིང་འབྲོག་ཚན་རྩལ་ཅུས་སུ་ལས་ཀ་བསྒྲུབས།
          2018ལོའི་ཟླ་10པ་ནས་ 2020ལོའི་ཟླ་3པའི་བར། རོང་བྲག་རྫོང་ཧྲུའེ་ཙི་ཤང་མི་དམངས་སྲིད་གཞུང་དུ་ལས་ཀ་བསྒྲུབས།
          2020ལོའི་ཟླ་3པ་ནས་ད་བར། རོང་བྲག་རྫོང་བྲག་མགོ་གྲོང་རྡལ་མི་དམངས་སྲིད་གཞུང་དུ་ལས་ཀ་བསྒྲུབས།
          ཝང་ཡན་ཅུན་གྱི་ལོ་རྒྱུས་མདོར་བསྡུས།
          ཝང་ཡན་ཅུན། སྐྱེས་པ། རྒྱ་རིགས། 1986ལོའི་ཟླ་2པར་སྐྱེས། སི་ཁྲོན་ཅན་དབྱང་ནས་ཡིན། སློབ་ཆེན་གྱི་སློབ་གཉེར་བརྒྱུད་རིམ་ལྡན། 2009ལོའི་ཟླ་12པར་ལས་ཀར་ཞུགས། 2013ལོའི་ཟླ་3པར་ཀྲུང་གོ་གུང་ཁྲན་ཏང་ནང་ཞུགས།
          2009ལོའི་ཟླ་12པ་ནས་2019ལོའི་ཟླ་3པའི་བར། རོང་བྲག་རྫོང་ཞིང་འབྲོག་ཚན་རྩལ་ཅུས་སུ་ལས་ཀ་བསྒྲུབས།
          2019ལོའི་ཟླ་3པ་ནས་ད་བར། རོང་བྲག་རྫོང་ཞིང་འབྲོག་གྲོང་གསེབ་དང་ཚན་རྩལ་ཅུས་སུ་ལས་ཀ་བསྒྲུབས།