ཟླ་4ཚེས་2ཉིན་གྱི་ཕྱི་དྲོའི་ཆུ་ཚོད་6པ་ཙམ་ལ། ནག་ཆུ་གྲོང་ཁྱེར་གསེར་རྙེད་ཆུས་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་ལ་ཝུའུ་ཆེ་གེ་མོའི་གྱོད་དོན་སྙན་སེང་ཞུ་བའི་ཁ་པར་འབྱོར་ཏེ། ཁོང་གིས་ཚོང་ཁང་གི་ལྕོག་ཙེའི་ནང་བླུགས་པའི་དངུལ་ཁུག་ཕྱི་དྲོའི་ཆ་ཚོད་ལྔ་པའི་གཡས་གཡོན་ལ་བརླགས་འདུག་ཅིང་། དངུལ་ཁུག་ནང་དངུལ་སྨར་སྒོར6000ཙམ་དང་། དངུལ་ཁང་གཱ ཆད་འཛིན་སོགས་རྩ་ཆེའི་དངོས་པོ་མང་དག་ཅིག་ཡོད་པས། བརྟག་དཔྱད་གནང་རོགས་ཟེར།
ཁ་པར་འབྱོར་རྗེས། ཉེས་དོན་ཉེན་རྟོག་རུ་ཆེན་གྱི་གྱོད་སྒྲུབ་ཉེན་རྟོག་པ་འཕྲལ་མར་ཡུལ་དངོས་སུ་བརྟག་དཔྱད་དཔང་ལེན་བྱེད་པར་ཕྱིན་ཞིང་། ཉེ་འགྲམ་གྱི་གློག་མིག་ལ་བལྟས་པ་མ་ཟད་ཁུངས་སྣེ་མང་པོ་བཙལ་བས། ལྷག་ཆེ་གེ་མོར་ཉེས་གསོག་གི་དོགས་པ་ཡོད་པར་གཏན་འཁེལ་བྱས། ཚེས་4ཉིན་གྱི་ཕྱི་དྲོའི་ཆུ་ཚོད་5པར། ཉེས་དོན་ཉེན་རྟོག་རུ་ཆེན་གྱི་གྱོད་སྒྲུབ་ཉེན་རྟོག་པས་ནག་ཆུ་གྲོང་ཁྱེར་གསེར་རྙེད་ཆུས་ཁེ་བཀྲ་ཐང་གྲོང་མི་སྡོད་ཁུལ་ནས་ཉེས་གསོག་དོགས་ཅན་ལྷག་ཆེ་གེ་མོ་བཟུང་བ་རེད།
འདྲི་རྩད་བྱས་པ་བརྒྱུད། ཉེས་གསོག་དོགས་ཅན་ལྷག་ཆེ་གེ་མོས་རང་ཉིད་ཀྱིས་རྐུ་བརྒྱབ་པའི་ནག་ཉེས་ངོས་ལེན་གཙང་མ་ཞུས་པ་དང་། མིག་སྔར། གྱོད་གཞིར་ཞིབ་བཤེར་ཐག་གཅོད་བྱེད་བཞིན་ཡོད་པ་རེད།
རྩོམ་སྒྲིག་པ། བདེ་སྒྲོལ།
