ཁྭ་ཏའི་ཁའི་དགོན་པ་ནི་མཚོ་སྔོན་ཞིང་ཆེན་མཚོ་ཤར་ས་ཁུལ་བཀའ་མ་ལོག་རྫོང་ཁོངས་སུ་ཆགས་ཤིང་། དེ་ནི་ཕག་གྲུ་སྲིད་དབང་གི་སྐབས་སུ་བཀའ་མ་ལོག་རྫོང་དུ་མངའ་བའི་བོད་བརྒྱུད་ནང་བསྟན་གྱི་དགེ་ལུགས་པའི་གྲུབ་མཐའི་དགོན་ཆེན་གསུམ་སྟེ་མཛོ་མོ་མཁར་དང་། ལིན་གཙང་དགོན། ཁྭ་ཏའི་ཁའི་དགོན་གྱི་ཡ་གྱལ་ཡིན། རྗེ་ཙོང་ཁ་བ་བློ་བཟང་གྲགས་པའི་དགེ་ཕྲུག་བྱང་བླ་མ་ཆོས་ཀྱི་རྒྱལ་བོས་ཕག་གྲུ་སྲིད་དབང་ངམ་མིན་རྒྱལ་རབས་ཀྱི་སྐབས་སུ་བཞེངས་པ་ཡིན།
གཙང་བ་རྒྱལ་བོའི་སྐབས་ཀྱི་རྒྱའི་ཡིག་ཚང་དུ་ཅིན་ཉིན་ཟི་ཞེས་བཀོད་འདུག་ལ། ཁྭ་ཏའི་ཁའི་དགོན་པ་ཞེས་པའི་མིང་གི་ཐོགས་ཚུལ་ཐད་བོད་ཡིག་གི་ལོ་རྒྱུས་ཡིག་ཚང་དུ་འདི་ལྟར་བཀོད་འདུག་པ་སྟེ། བྱང་བླ་མ་ཆོས་ཀྱི་རྒྱལ་བོས་ལྷ་སའི་ཡུལ་ནས་ཇོ་བོ་ཤཱཀྱ་མུ་ནེའི་ལྷ་སྐུ་ཞིག་གདན་དྲངས་ཏེ་གནས་འདིར་དགོན་པ་ཞིག་བཏབ་ཅིང་། ཉིན་ལ་ཕྱི་རོལ་གྱི་ཁ་བའི་ཁྲོད་བྱིས་པའི་རྐང་རྗེས་གསར་བ་ཞིག་འདུག་པ་མཐོང་ནས་དེད་སོང་བ་ན། ཙན་དན་གྱི་སྡོང་བོ་ཞིག་དང་འཕྲད། དེའི་རྩེ་མོ་རུ་བྱ་ཁྭ་ཏ་ཞིག་གིས་མགྲིན་དབྱངས་སྒྲོག་བཞིན་ཁ་ནས་གསེར་སྐུད་ལྟ་བུའི་མཆུ་མ་འཛར་བ་དང་། དེའི་སྟེང་དུ་ཉི་འོད་འཕྲོས་ཕྱོགས་ཤིག་གིས་འཇའ་ཤར་བ་ལྟ་བུའི་འོད་མདངས་བཀྲ་ཞིང་རྒྱལ་མཚན་གྱི་དབྱིབས་ལྟར་ཆགས་པའི་དགེ་མཚན་ཁྱད་དུ་འཕགས་པ་ཞིག་ཏུ་མཐོང་ནས། གནས་འདི་ནི་གནས་མཆོག་ཏུ་གྱུར་པ་ཞིག་རེད་སྙམ་སྟེ་དགོན་ཆེན་ངོ་མཚར་བ་ཞིག་བཞེངས་པ་དང་། མིང་དུ་ཁྭ་ཏའི་ཁའི་དགོན་ཞེས་གསོལ་བ་རེད།
དགོན་སྡེ་འདི་ཐོག་མར་མཁར་རྫོང་གི་ཁྲོད་དུ་ཆགས་ཤིང་། དར་རྒྱས་ཆེ་བའི་དུས་སུ་ས་ཁྱོན་ལ་མུའུ60ལྷག་དང་། ལྷ་ཁང་ཆེ་ཆུང13 དགེ་འདུན་པ་སྟོང་ལ་ཉེ། དགོན་ལག་ལ་ད་ལྟའི་བཀའ་མ་ལོག་རྫོང་གི་མདོ་བ་དགོན་དགའ་ལྡན་ཆོས་འཁོར་གླིང་དང་། ནོར་བ་དགོན་བཀྲ་ཤིས་བསམ་གཏན་གླིང་། བ་ཡན་རྫོང་ཐ་ཀྱ་དགོན་བཀྲ་ཤིས་བསམ་གཏན་གླིང་སོགས་དགོན་སྡེ་དྲུག་འདུས། ཆིན་རྒྱལ་རབས་ཀྱི་ཐུན་ཀྲིའི་ལོར་དམག་བཏང་ནས་དགོན་པ་མེར་བསྲེགས། རྗེས་སུ་དགོན་བདག་ཞིན་གྱ་བླ་མས་སོག་རིགས་ས་ཁུལ་དུ་བསོད་སྙོམས་བསླངས་ཏེ་སླར་གསོ་བྱས་མོད། སླར་གསོ་བྱས་པ་དེ་སྔར་བས་ཅུང་རྒྱ་ཆུང་ལ། དགོན་སྡེ་འདིར་གཙོ་བོ་འདུ་ཁང་ཆེན་མོ་དང་། མགོན་ཁང་། བག་རྩེ་ལྷ་ཁང་། ཐུན་ལྔའི་ལྷ་ཁང་སོགས་བཞེངས་འདུག་ཅིང་། རྟེན་གཙོ་བོ་ལ་རྗེ་ཙོང་ཁ་བ་གཙོ་བྱས་པའི་ཁོང་གི་ཡོངས་འཛིན་དང་དགེ་ཕྲུག་རྣམས་ཟུར་རྒྱན་དུ་བཀོད་པའི་མཛེས་ཤིང་རིན་ཐང་གཞལ་ཡས་པའི་ཐང་ག་གཅིག་བཞུགས་འདུག ངག་སྒྲོས་ལྟར་ན་ཕག་གྲུ་སྲིད་དབང་གི་དུས་སུ་ཡུལ་འདིའི་ཚོང་དཔོན་ནོར་བུ་ཞེས་པ་ལྷ་སར་ཚོང་འགྲེམ་པར་སོང་སྟེ་རྗེ་ཙོང་ཁ་བ་དང་ཞལ་འཛོམས་ནས་རྗེ་ཙོང་ཁ་བའི་མ་ཡུམ་གྱིས་བསྐུར་བའི་སྐྲ་ལོ་ཉག་གཅིག་དང་ངག་འཕྲིན་སོགས་ཇི་མ་ཇི་བཞིན་དུ་རྗེ་ཉིད་ལ་སྤྲད་དེ་ཕྱིར་ ཚོང་དཔོན་ཁོང་ཐེངས་བཞི་བར་ལྷ་སར་མ་སོང་གོང་རྗེ་ཙོང་ཁ་བའི་མ་ཡུམ་ལ་མཇལ་དུ་སོང་། ཡུམ་གྱིས་རང་གི་བུ་ཆུང་དྲན་པས་སྐྲ་དཀར་ཉག་ཅིག་སྐུར་ཞོར་སྐད་ཅིག་བཏང་། རྗེ་ཙོང་ཁ་བས་ཨ་མས་བསྐུར་བའི་སྐྲ་དཀར་དང་སྐད་ལ་ཉན་རྗེས་སེམས་སྡུག་ཚད་མེད་བྱུང་ཡང་ཨ་མར་བལྟ་རུ་འགྲོ་མི་ཐུབ་པས་ཁོང་གིས་རང་གི་སྐུ་འདྲ་ཞིག་བྲིས་ནས་དེ་ནོར་བུ་བཟང་པོར་བསྐུར་ཞོར་སྐུ་འདྲ་འདི་མཐོང་ན་ང་དང་ངོ་ཐུག་པ་དང་གཅིག་འདྲ་ཡིན། སྐུ་འདྲ་འདིས་ཁྱེད་ལ་ཨ་མ་ཞེས་འབོད་སྲིད་ལ་ད་དུང་ཉིན་ཞག་དྲུག་ལ་ཁ་བརྡ་ཡང་བྱེད་ངེས་ཞེས་པའི་སྐད་ཅིག་བསྐུར།
ནོར་བུ་བཟང་པོ་དགུང་ལོ་དགུ་བཅུ་ལ་སླེབས་སྐབས་རྗེ་ཙོང་ཁ་བའི་དགེ་ཕྲུག་ཆེ་བ་ཆོས་ཀྱི་རྒྱལ་བོས་ཁོང་ལ་ཚེ་དབང་བསྐུར། དབང་བསྐུར་ཚར་རྗེས་ཁོང་གཉིས་ཀ་ནོར་བཟང་གླིང་ག་ནས་འཆམ་འཆམ་དུ་ཕྱིན་དུས་ཙན་དན་གྱི་སྡོང་མགོ་ནས་ཁྭ་ཏ་བསྟུད་མར་ཐེངས་གསུམ་གྲགས་རྗེས་ཁ་ནས་གསེར་མདོག་གི་འོད་བསྐྱུགས་ནས་གླིང་ག་ཧྲིལ་བོ་འོད་ཀྱིས་བཀང་། ནོར་བུ་བཟང་པོ་ཡ་མཚན་ནས་ཆོས་ཀྱི་རྒྱལ་བོ་ལ་རྒྱུ་མཚན་དྲིས། ཆོས་ཀྱི་རྒྱལ་བོས་འདི་ནི་ཁྱེད་ཀྱི་གླིང་ག་མི་འགྱང་བར་དགོན་པར་འགྱུར་བའི་བཀྲ་ཤིས་ལྟས་བཟང་ཡིན་པར་བཤད། ནོར་བུ་བཟང་པོ་དགའ་ནས་ཆོས་ཀྱི་རྒྱལ་བོ་ལ་མིང་ཞིག་སྩོལ་བའི་རེ་བ་ཞུས། ཆོས་ཀྱི་རྒྱལ་བོས་འདི་ནི་ཁྭ་ཏ་དེར་རག་ལས་པས་མིང་ལ་ཁྭ་ཏའི་ཁ་བབས་ཞེས་བཏགས། དེང་སྐབས་གཞོང་ཐང་རྫོང་གི་ཁྭ་ཏའི་ཁ་བབས་དགོན་པ་རེད། ནོར་བུ་བཟང་པོ་ཁྭ་ཏའི་ཁ་བབས་དགོན་པའི་ཡོན་བདག་གཙོ་བོར་གྱུར་ནས་མི་གྲངས་སྟོང་གཉིས་ལྷག་ཤོང་བའི་འདུ་ཁང་ཆེན་མོ་དང་བཙུན་ཤག་སྟོང་གཅིག་ལྷག་གསར་བཞེངས་བྱས། ཁང་བ་ཆེས་བཟང་ཤོས་ཆོས་ཀྱི་རྒྱལ་བོར་གཟིམས་ཤག་བྱེད་དུ་བཅུག རྗེས་ནས་ནོར་བུ་བཟང་པོས་ཕྱོགས་ཡར་མར་ནས་བཙུན་པ་སྟོང་གཅིག་གདན་དྲངས་ནས་དགོན་པ་དེ་ནས་རྒྱུན་སྡོད་བྱས་པ་དང་འགྲོ་སོང་ཡོད་ཚད་ཁོང་གཅིག་པོས་མཁོ་སྤྲོད་བྱས། ཚོང་དཔོན་དགུང་ལོ་གོ་དགུར་སོན་པའི་ལོ་དེའི་ལུགས་རྙིང་གི་ཟླ་དགུ་བའི་ཚེས་དགུ་ཉིན་གྱི་ནངས་མོར་རྒྱུན་ལྡན་དང་འདྲ་བར་མཆོད་པ་བཤམས་རྗེས་རྗེ་ཙོང་ཁ་བའི་ཐང་ག་དེས་གསུང་བྱོན་ནས་ཁྱེད་ཀྱི་ལས་དོན་ཡོངས་སུ་གྲུབ་པས་དགེ་བ་བསམ་གྱིས་མི་ཁྱབ། འུ་གཉིས་དག་པའི་ཞིང་ནས་ཐུག་ཟེར། ནོར་བུ་བཟང་པོས་ཕྱག་འཚལ་ནས་བཀའ་དྲིན་ཞུས་རྗེས་འཇིག་རྟེན་འདི་དང་བྲལ་སོང་ངོ་།།
