ཚེས་6ཉིན་སློབ་གསོ་པུས་2023ལོའི་སློབ་གྲྭ་འབྲིང་ཆུང་གི་སློབ་ཁྲིད་ཐད་སྤྱོད་པའི་དཔེ་དེབ་ཀྱི་དཀར་ཆག་ཁྱབ་བསྒྲགས་བྱས་ཤིང་། དེ་སློབ་གྲྭ་འབྲིང་ཆུང་དཀྱུས་མ་དང་། དམིགས་བསལ་སློབ་གསོའི་སློབ་གྲྭ། ལུས་རྩལ་སློབ་གྲྭའི་སློབ་ཁྲིད་ཐད་སྤྱོད་པའི་དཔེ་དེབ་བཅས་དང་འབྲེལ་བ་ཡོད་པ་རེད། བརྡ་ཐོའི་ནང་སློབ་གྲྭ་འབྲིང་ཆུང་གི་སློབ་དེབ་ནང་ཚོང་ལས་ཀྱི་བརྡ་ཁྱབ་བམ་ཡང་ན། སློབ་ཁྲིད་ཀྱི་ཞོར་འདེགས་དཔྱད་ཡིག་གི་སྦྲེལ་མཐུད་དྲ་ཚིགས་དང་། རྩ་གཉིས་ཨང་རྟགས་སོགས་ཆ་འཕྲིན་གང་ཡང་ཡོད་མི་ཆོག་ཅེས་ཁ་གསལ་བཏོན་ཡོད།
བརྡ་ཐོའི་ནང་བསྟན་དོན། འོས་འགན་སློབ་གསོའི་རྒྱལ་ཁབ་ཀྱི་སློབ་ཚན་གྱི་རིག་ཚན་ཁག་ཏུ་《2023ལོའི་འོས་འགན་སློབ་གསོའི་རྒྱལ་ཁབ་ཀྱི་སློབ་ཚན་གྱི་སློབ་ཁྲིད་དཔེ་ཆའི་དཀར་ཆག་》ནང་གི་སློབ་དེབ་སྤྱོད་དགོས། འོས་འགན་སློབ་གསོའི་རྒྱལ་ཁབ་ཀྱི་སློབ་ཚན་ཁོངས་སུ་གཏོགས་ཀྱང་དཀར་ཆག་ནང་འབྲེལ་ཡོད་སློབ་དེབ་མེད་ན། ཞིང་ཆེན་ཁག་གི་སློབ་གསོ་སྲིད་འཛིན་སྡེ་ཁག་གིས་བླང་བྱ་གཞིར་བཟུང་། འབྲེལ་ཡོད་སློབ་ཚན་ལག་བསྟར་བྱེད་སྟངས་དང་སློབ་ཁྲིད་དཔེ་ཆ་གཏན་འཁེལ་བྱེད་དགོས། སློབ་དེབ་སྤྱོད་དགོས་ཚེ། སྤྱོད་པའི་སློབ་དེབ་དེ་ངེས་པར་དངོས་སུ་པར་སྐྲུན་བྱས་པ་མ་ཟད། ཞིང་ཆེན་རིམ་པའི་སློབ་གསོའི་སྡེ་ཁག་གིས་ཞིབ་བཤེར་གཏན་འབེབས་བྱས་པ་དང་འབྲེལ། ཞིང་ཆེན་རིམ་པའི་སློབ་གྲྭ་འབྲིང་ཆུང་གི་སློབ་ཁྲིད་ཐད་སྤྱོད་པའི་དཔེ་ཆའི་དཀར་ཆག་ནང་འཁོད་པ་ཡིན་དགོས། གཞན་ཡང་། 2023ལོའི་སྟོན་དུས་ཀྱི་སློབ་དུས་ནས་བཟུང་། མཐོ་རིམ་སློབ་འབྲིང་དཀྱུས་མས་2003ལོའི་སློབ་ཚན་གྱི་ཚད་གཞི་གཞིར་བཟུང་རྩོམ་སྒྲིག་བྱས་པའི་མཐོ་འབྲིང་དང་པོ་དང་གཉིས་པའི་སློབ་དེབ་ཀྱི་དེབ་ཐེངས་དེ་སྤྱོད་དེབ་ཀྱི་མིང་ཐོའི་ནང་མི་འཇུག
རྩོམ་སྒྲིག་པ། སྣང་རྡོར།
