བདེན་དང་རྫུན་གྱི་ཆོ་འཕྲུལ།
དཀྲོག་གཏམ། འདུར་རྒྱུག་བྱས་ན་པུས་མོར་གནོད་པ་ཡོད།
དོན་དངོས། རྒྱུག་སྟངས་འགྲིག་མིན་ལ་བལྟ་དགོས།
གཙོ་གནད་དབྱེ་ཞིབ།
འདུར་རྒྱུག་བྱས་ན་པུས་མོར་གནོད་པ་ཡོད་མེད་ནི་གཙོ་བོ་རྒྱུག་སྟངས་འགྲིག་མིན་ལ་བལྟ་དགོས། རྒྱུག་སྟངས་འོས་འཚམ་མིན་ན་ལུས་པོས་པུས་མོར་གནོན་ཤུགས་སྟེར་ངེས།
འདུར་རྒྱུག་བྱེད་སྐབས། པུས་མོའི་ཐོག་ལ་འཁེལ་བའི་གནོན་ཤུགས་ནི་སྤྱིར་བཏང་དུ་གོམ་པ་སྤོས་ནས་འགྲོ་བ་ལས་ཆེ་མོད། འོན་ཀྱང་རྒྱུག་པའི་སྐབས་སུ་གོམ་ཞེང་ཆེ་ལ། རྐང་པ་ས་ངོས་དང་འཕྲད་པའི་དུས་ཡུན་ཧ་ཅང་ཐུང་བས། གལ་ཏེ་རྒྱུག་སྟངས་འགྲིག་ན། རྒྱུག་ནས་འགྲོ་བ་དང་གོམ་པ་སྤོས་ནས་འགྲོ་བ་གང་ཡིན་ཡང་པུས་མོའི་སྟེང་འཁེལ་པའི་གནོན་ཤུགས་ལ་ཁྱད་པར་ཆེན་པོ་མེད།
གོང་གི་རི་མོ་ལས་སྔ་མ་དེ་ནི་ནོར་འཁྲུལ་ཅན་གྱི་རྒྱུག་སྟངས་རེད། འོན་ཀྱང་མི་མང་པོ་ཞིག་རྒྱུག་སྟངས་དེ་ལྟར་རྒྱུག་བཞིན་ཡོད། དེ་ལས་ང་ཚོས་མཐོང་ཐུབ་པ་ནི་ཕྱི་རྟིང་ས་ལ་འཛུགས་པའི་སྐབས་སུ། པུས་ཚིགས་དང་སྲེ་ལོང་གཉིས་ལུས་སྟོད་ཀྱི་མདུན་དུ་ཡོད་པས། ལྗིད་ཤུགས་ལྷག་མ་མང་པོ་ཞིག་པུས་ཚིགས་དང་སྲེ་ལོང་གི་སྟེང་དུ་འཁེལ་ཡོད། དེ་ལྟར་དུས་ཡུན་རིང་པོ་ཞིག་འགོར་ན་རྐང་པའི་སྲེ་ལོང་གི་གཡས་གཡོན་དང་པུས་མོའི་རྒྱབ་ཕྱོགས་ལ་རྨས་ཕོག་ངེས།
རུས་ཚིགས་དང་རྒྱུས་པ་ལ་ལྡེམ་ཤུགས་ཡག་པོ་མེད་པས། ས་ངོས་ནས་ཡར་ཐེབས་པའི་བྱེད་ནུས་ལྡོག་ཤུགས་དེ་རྐང་པའི་ཕྱི་རྟིང་གིས་ཇེ་ཉུང་དུ་གཏོང་དཀའ་བས་ཐད་ཀར་པུས་མོར་ཤུགས་རྐྱེན་ཐེབས་སྲིད།
འདུར་རྒྱུག་གི་སྐབས་སུ་པུས་མོར་གནོད་པ་མི་ཐེབས་ཆེད། རབ་ཡིན་ན་ཁོག་སྟོད་མདུན་ཕྱོགས་སུ་ཅུང་སྒུར་བ་དང་། པུས་མོ་ཡར་འདེགས་དུས་མཐོ་དྲགས་མི་རུང་ལ་གོམ་ཞེང་ཡང་ཆེ་དྲགས་མི་རུང་།
གལ་ཏེ་འདུར་རྒྱུག་ལ་འཇུག་པའི་ལས་དང་པོ་བ་ཡིན་ན། རིམ་པ་བཞིན་ཇེ་མགྱོགས་སུ་བཏང་སྟེ་རྒྱུག་པ་ལས། ཐོག་མ་ནས་བཟུང་མགྱོགས་པོར་རྒྱུག་མི་རུང་།